Ábyrg framleiðsla og vottanir

Hjá Lín Design skiptir ábyrg og sjálfbær framleiðsla miklu máli. Við vinnum eingöngu með framleiðendum sem uppfylla strangar kröfur um gæði, umhverfisvernd og félagslega ábyrgð. Með því að velja vörur frá okkur geturðu verið viss um að þær séu framleiddar á siðferðilegan og umhverfisvænan hátt.

Vottanir framleiðenda okkar

Framleiðendur okkar eru vottaðir eftir ströngustu alþjóðlegum gæðastöðlum til að tryggja vistvæna og siðferðilega framleiðslu. Hér eru  vottanirnar sem tilheyra ýmsum framleiðendum Lín Design:

• OEKO-TEX – Trygging þess að öll efni í vörum okkar hafi verið prófuð fyrir skaðleg efni og séu örugg fyrir mannslíkamann.
• RDS (Responsible Down Standard) – Tryggir að dúnn sé unninn á siðferðilega ábyrgan hátt, án ómannúðlegrar meðhöndlunar dýra.
• SEDEX – Einn fremsti aðili á heimsvísu í að stuðla að siðferðilegum viðskiptaháttum og bættu vinnuumhverfi í alþjóðlegum framleiðslukeðjum.
• GOTS (Global Organic Textile Standard) – Ströngustu staðlar í lífrænni textílframleiðslu sem tryggja umhverfisvæn efni og félagsleg réttindi.
• Fair Trade USA – Vottun sem tryggir sanngjörn viðskipti og réttláta meðferð starfsmanna, með áherslu á sjálfbæra framleiðslu og efnahagslega framþróun bænda og verkafólks.
• Her Project – Áætlun sem stuðlar að betri vinnuaðstæðum kvenna í textíliðnaði, með fræðslu og valdeflingu til að bæta heilsu og félagslega stöðu þeirra á vinnustað.
• ISO 9001 – Alþjóðlegur staðall fyrir gæðastjórnun sem tryggir að vörur og þjónusta uppfylli ströng viðmið.
• ISO 14001 – Staðall fyrir umhverfisstjórnun sem hjálpar fyrirtækjum að draga úr neikvæðum umhverfisáhrifum.
• ISO 45001 – Alþjóðlegur staðall sem tryggir öruggt og heilnæmt vinnuumhverfi með áherslu á vinnuvernd og öryggisstjórnunarkerfi.
• Amfori BSCI – Vottun sem stuðlar að ábyrgri og siðferðilegri vinnustaðamenningu í alþjóðlegum framleiðslukeðjum með áherslu á mannréttindi og vinnuvernd.

• Lenzing – umhverfisvæn framleiðsla á textílefnum eins og Tencel og Modal
• Higg Index – mælikvarði á sjálfbærni og vistspor vöru