Hvönn

Hvönn rúmföt

Hvönn var um aldir hluti af fæðu íslendinga og víða voru hvannagarðar í kringum bæi á öldum áður. Hvönnin var mikilvæg útflutningsvara fyrr á tímum og var notuð sem gjaldmiðill.  Í Grágás, elsta lagariti Íslendinga, er kveðið á um viðurlög við stuldi á hvönn.

Hvönnin er mikilvæg lækningajurt og er nú að finna í lyfjum sem talin eru vinna á lifrarkvillum, smiti og eitrunum og brjósthimnubólgu ásamt mörgu öðru. Fersk hvönn er oft notuð sem krydd enda góður bragðbætir. Rannsóknir hérlendra vísindamanna á síðustu árum hafa leitt í ljós að tiltekin efni í hvönn styrkja ónæmiskerfið.

Í upphafi sumars er hvönnin ljósgræn en breytir um lit þegar líður að hausti.  Þá dekkist hvönnin og verður brún að lit. Hvönnin frá Lín Design er síðsumar hvönn og því ljósbrún að lit.
Hvönnin frá Lín Design er saumuð í sængurverið og er einstaklega tignarleg & glæsileg.  Sængurverið er ofið úr besta fáanlega 380 þráða 100% Pima bómull.  Blómið er bróderað hægra megin í sængurverið og líkir eftir síðsumarshvönn sem er orðin ljósbrún að lit

Bómullin tryggir langa þræði, þéttan vefnað, einstaka mýkt og varanlega endingu. Þessi bómullarblanda, sem við höfum þróað á síðustu árum, er ofin til að mýkjast með tímanum. Gera má ráð fyrir að bómullin þurfi þrjá til fjóra þvotta til að draga í sig þann vökva sem hún þarf til þess að ná hámarks mýkt. Sængurverið lokast að neðan með tölum. Á innanverðum sængurverunum eru bönd til þess að binda í Lín Design dúnsængina. Með þessu móti kemur þú í veg fyrir að sængurverið sé laust inn í sænginni.

Nýjungin hjá okkur núna er að pakka rúmfötunum inn í glæsilegt púðaver (40X40) sem eykur á fegurð og notagildi. Eigandinn er því að fá þrjá hluti í rúmið í stað tveggja áður. Enn er aðalmarkmið okkar að láta náttúruna njóta og henda engu.

Lín Design vörurnar eru  OEKO-TEX ® STANDARD 100 vottaðar

Þvoist við 40° C (sjá þvottaleiðbeiningar).

Á undanförnum árum höfum við unnið með Rauða krossinum við að safna notuðum vörum. Þegar rúmfötin eru orðin lúin þá er upplagt að koma með þau til okkar og fá önnur með 20% afslætti. Rauði krossinn kemur rúmfötunum til þeirra sem geta nýtt hana aftur. Með þessu n‎‎‎‎ýtast vörunar áfram hvort sem er til notkunar eða vefnaðar og náttúran græðir.